عملت أوردر من أبليكيشن دبي فون يوم ٢٦/٦ وما استلمتش الأوردر، وطلبت إرجاع المبلغ المدفوع -لأني كنت دافع عن طريق كارت مؤقت من فودافون كاش- ومن يومها المبلغ ما وصلش. تواصلت مع خدمة عملاء دبي فون أكتر من مرة وكل مرة بيقولوا بعتنا الميل للبنك، وطلبت منهم رقم العملية أو رد البنك عشان أشوف مع فودافون كاش لكن لا رضيوا يبعتوا رقم العملية ولا رد البنك على الميل بتاعهم، وكلمت خدمة عملاء فودافون كاش أكتر من مرة لكن ما فيش حاجة وصلت، وعملت شكوى لكن المشكلة مش من فودافون كاش وكل مرة بكلم خدمة عملاء دبي فون يقولوا لي حد هيتواصل معاك وما حدش بيتصل رقم الأوردر: W1689642

اشتريت تليفون من Dubai Phone stores والتليفون مش شغال ورافضين يرجعو لي الفلوس

اشتريت تليفون oppo reno 15 مساحة 512. بعد 3 ايام بدأ يظهر عيب انه بيسخن جدا و يهنج تماما مع برامج عاديه و بيفصل تماما لوحده. شيلت البيانات و روحت للفرع و ودوه توكيل اوبو. قالوا عيب سوفتوير فقط و غيرناه و بقى كويس، لكن بعد نقل البيانات تاني نفس المشكله قائمه. رجعتلهم تاني و بعتوه لتوكيل اوبو في القاهره، قعد اسبوع و قالوا نفس الكلام مفيش مشكله و غيروا سوفت وير، لكن رجع الجهاز بنفس المشكله. تواصلت معاهم في فرع المعادي و اشتكيت، قالوا تم رفع الشكوى للاداره و مفيش اي إجراء تم او رد عليا. حاولت اتابع بشكل يومي و اخر كلام اني اروح بنفسي للتوكيل و استلمه و اجربه عندهم، لكن العيب مش بيظهر غير بعد 5 او 6 ساعات. الجهاز تقيل تماما و بايظ. حماية المستهلك بعتلهم واتساب و مفيش رد.