FRESH فريش عملت معايا الغلط

بدأت المشكلة من أول يوم تقريبًا، وعلى مدار الفترة اللي فاتت استقبلت أكثر من 20 زيارة صيانة، وكل مرة يتغير كلام الفنيين، والمشكلة مستمرة. آخر زيارة كانت الصدمة… الفني قام بإزالة مادة العزل الحراري بالكامل من ظهر الفرن ورماها، وقال إنها “كاتمة النار” وملهاش لازمة! بعدها الفرن بقى يسخن بشكل مرعب، وشمعة الإشعال بدات تتحرف، والفونية بدات تبوظ. طلبت زيارة جديدة… الفني اللي جه بعدها أول ما شاف الفرن اتصدم وقال بالنص: “دي كارثة… مين اللي شال العزل؟ ده خطر جدًا، وممنوع تشغيل الفرن بالشكل ده.” وأكد إن: ✔️ لازم تركيب عزل جديد. ✔️ لازم تغيير شمعة الإشعال. ✔️ لازم تغيير الفونية. ✔️ وعدم تشغيل الفرن لحين الإصلاح. وقال هيجيب القطع تاني يوم… ومن ساعتها… اختفى! لا رد على الموبايل… لا رد على الواتساب… كلمت الإدارة علشان أعرف حصل إيه… كانت المفاجأة! قالولي إن تقرير الفني الرسمي بيقول إن الجهاز سليم تمامًا، ومفيش أي أعطال، ومفيش أي حاجة هتتغير! طيب… فين الكلام اللي اتقال أثناء المعاينة؟ فين العزل اللي اتشال؟ فين القطع اللي قال لازم تتغير؟ وفين “دي كارثة”؟ ولما سألتهم قالوا: “معندناش فكرة.” رقم البلاغ: 798

محدش يشترى حاجة من فريش و متغركوش خدمة ما بعد البيع علشان مش موجودة. من سنة اشتريت تكييف فريش ٢.٢٥ حصان بلازما تربو ب ٣٢الف و من ساعتها فى زى ريحة مجارى خارجة منه. فكلمت التوكيل اكتر من مرة، يبعتو فنى يغسل الفلاتر و يكب مياه سخنه و يقولى اصل البيرفيوم الى بتحطه ريحته بتخش جوه التكييف او اصلا بتاكل و التكييف شغال او اصل مفيش ريحة. و المضحك ان الفنى الى بيجى بيتريء على الى قبليه و جم غسلوه بالكيماوى و مفيش فايدة و لسه من كام يوم بيقولولى اصل المشكلة من البلازما و كل الصبر ده و مفيش فايدة معاهم. انا حرفيا مبقتش اشغل التكييف من كتر بشاعه الريحة. يعنى دافع ٣٢الف علشان قفله. نصيحة نصيحة نصيحة روح للغالى و بلاش فريش نهائى علشان تحافظ على فلوسك. حسبي الله ونعم الوكيل و انا هفضحهم و مش هسيب حقى.