طلبت أوردر مدفوع ملابس كتان بتاريخ 23-6 (شحن سريع) المفروض يصل خلال 48 ساعة، وكانت مسافرة يوم 30-6. الأوردر ماوصلش في الميعاد. بعد متابعة، تواصلوا يوم 29-6 وقالوا هيبعتوا الأوردر بإن درايف -من حسابي- لأن الشحن السريع مش هيلحق قبل السفر، ووعدوا برجوع فلوس الشحن. الأوردر وصل بخامات مختلفة تمامًا عن الصور والمكتوب على السايت، أشبه ببيتزا (خامات رديئة). رفضت الصفحة الرئيسية الاسترجاع، لكن موظفة اتصلت شخصيًا ووافقت على استرجاع بعد فحص القطع مع رفض تقديم إثبات استلام. رفضت ذلك. عملت شكوى في جهاز حماية المستهلك وهم مش بيفدوا. الموظفة اتقفل حسابها. ملاحظات: معملوش رجوع فلوس الشحن، ومش بيفدوا في جهاز حماية المستهلك، وعنوانهم مش واضح، ويدّعوا البراند أسباني معندوش وجود هناك. نصيحة: متشتروش من صفحات سياسة الاسترجاع بتاعتها غير قانونية.

جربتهم فى كذا حاجة بصراحه جميله وعادى ف مره طلبت منهم ٢ مقاس اخدت واحد ورجعت التانى وبستاذن المندوب اقيس وهو موجود وبصراحه الخامه حلوه جدا وقارنتها بخامات بيدجات زيها والفرق شاسع فى الخامه واه منكرش ان اللون البيج فى القفطان والجيب شكلهم مش زى الصور بالظبط بس مريحين

عدم المصداقية ودي تجربتي الشخصية معاهم والشات بيني وبينهم موجود... اولا انا طلبت بناء علي انة مكتوب كتان تركي واللي استلمتة كتان مصري خامة خفيفة وبتلزق مختلفة تماماا.. ثانياا...طلبت من المندوب استرجاع قاللي معرفش واتصلي بالشركة...اتصلت بيهم محدش رد ..ولما ردو بعدها ب ٤ ساعات قالولي مفيش استرجاع..رغم ان قانون حماية المستهلك بيقول ان من حقي خلال ١٤ يوم استرجاع ثالثا..المفروض السعر كان ف عرض وخصم ولما استلمت الفاتورة كانت بدون الخصم...ولما كلمتهم قالولي كنتي قولي للمندوب...تخيل حضرتك هقول للمندوب وهو واقف ف الشارع اعملي خصم...تجربة سيءة جدا حقيقي IL SARTO ❌️❌️❌️❌️❌️ اشتريت منهم قفطان المفروض يكون كتان تركي زي م هم كاتبين ف السايت وف الصورة...وتفاجأت ان الخامة الكتان المصري الخفيف... طبعا حاولت اتصل عشان ارجع الحاجة مع المندوب لان المندوب رفض لانة لم يتم تبليغة بسياسة الاسترجاع ..ومحدش رد...ولما ردو بعدها بساعات كتير...قالي حضرتك استلمتي مفيش استرجاع.... طبعا غير المعلومات الكاذبة عن المنتج والخامة...لا انصح اي حد من الشراء منهم