راية شركة عملاقة بدون اي مصداقية. شكوى من Raya Shop للاسف شركة عملاقة بدون مصداقية او احترام للعملاء ومسابقات وهمية وكذب تحت رعاية جهات حماية المستهلك. بتاريخ 31 يناير تلقيت رسالة مبروك كسبت والادارة هتتواصل معاكي وابعتي رقم وحددي فرع ومن يومها مماطلة وكذب تحت مسمي منتظرين رد الادارة. وتواصل الادارة وخدمة العملاء ملناش دعوة. مسلسل طويل من الرسائل ومكالمات الخط الساخن وسوء خدمة العملاء وكذب وعدم مصداقية. والكارثة الاكبر حاليا صفحة Raya shop منزلة مسابقات كتير بمناسبة كاس العالم وبيكسبو ناس جديدة بدون ما يسلمو الكسبانين السابقين. احذرو من التعامل مع الشركة دي وانا هقدم شكوي ضدهم في حماية المستهلك لان تضررت بسبب انتظاري الجائزة لشراء منتجات للبيت.

عايزة احكي عن تجربتي مع شركة inDrive دي تالت مرة بالظبط اطلب منهم السواق جالي في ضهر العمارة فبعتله رسالة استاذنك تيجي قدام العمارة ، اتصل بيا زعيق فيا انتي اللي غلطانه انتي اللي طالبة غلط انتي بتكلميني كده ليه ( وانا باعته رسالة اصلا ) انتي مكسلة تمشي خطوتين عايزاني اجيلك شارع واسلوبه كان زحش جدا وزعيق انا قولتله هو اسلوبك ده مش مقبول وانا مش هركب معاك اصلا متلفش من فضلك الغي الرايد ، السواق انا قولتله كده وداس بنزين بجنووون وجه عليا يجري بالعربية وانا واقفه فس الشارع طبعا دخلت العمارة فورا وقفلت ورايا السواق نزل من العربية وجري ورايا يرزع في الباب ويحاول يفتحه كلمتهم قالولي طبعا هناخد اجراء ونكلمك ومفيش اي رد من يومين الكلام ده حصل الاربعاء ٢٠ مايو الساعه ١ الضهر مفيش اي تواصل منهم من وقتها ورفضوا يدوني اسمه كامل وبطاقته عشان المحضر انا مش صعبان عليا غير انه اكيد لسه شغال واكيد في بنات بتركب معاه الله اعلم بيعمل معاهم ايه دي صورة السواق واسمه ورقم عربيته ورقمه

بكل صراحة أنا مصدومة من رد تطبيق اندرايف. بعد ما الأوردر اتعرض للتلف واترمي في مياه الصرف، تواصلت مع خدمة العملاء علشان أعرف حقي فين، وكانت المفاجأة إن الرد الوحيد: "اعملي محضر في القسم." طيب فين مسؤولية اندرايف؟ فين تعويض العميل؟ فين حماية أصحاب المشاريع والعملاء من تصرفات بعض المندوبين؟ أنا مش طالبة بيانات المندوب، أنا بسأل عن حقي وحق أي عميل أو صاحب مشروع ممكن يتعرض لنفس الموقف. لو أي مندوب أخطأ أو أتلف أوردر أو تسبب في ضرر، هل الحل الوحيد إن العميل يجري وراء المحاضر؟ للأسف الرد كان مخيب للآمال جدًا.